真的仆街了

我尋晚去左踩單車, 準備今個星期日新加坡的62公里挑戰賽.

我同白痴玲講要去踩車, 叫佢陪我. 順便叫佢試下部買左幾年既新單車. 佢話…

“單車緊係要日頭踩. 黑媽媽會仆死嫁!"

“CLS, 踩坦克啦你!"

結果, 我一條友去左踩, 夜晚十點左右, 差唔多到大尾督, 我來左鑊人生之中第二大超級一仆.

“哎~~~吔~~唷~~~~~~~~"

我躝返埋路邊, 硬膠膠黑媽媽, 條路只淨返單車上ROXIS R5微弱的強光.

一個360度的根斗, 我狠狠咁用個嘴落地. 幸好我無用到個絕版限量頭盔, 否則必碎無疑.

男人仆街的本能同貓差唔多, 無論幾傷, 都倏地站起, 拍拍屎忽, 強裝輕鬆, 加上一個周星星的傻笑來掩飾膠了.

“HEHE~ 哎唷哎唷~~HEHE~~"

“先生….你無樹丫嘛?"放狗女傭合時問道.

“CLS, 區區小仆, 何足掛齒!"至少, 我係想咁講的.

“CLS, 嗚啦媽媽, 旱乎仆仆?"

我發覺控制唔到個嘴, 用脷掃一掃下個唇, 感覺就好似條脷瀨緊塊乜乜咁, 有內有外有洞有汁.

口合唔埋, 無計腫晒, 成個套唇好似磨左成幾個鐘蛋達咁, 無晒知覺. 上天保祐, 我有帶手套, 除左流血的地方, 其它都是原好的.

我拿起電話, 按了999.

正當我要對我部老幾呀純影八零八發出撥號指令時, WHATSAPP 4 SYMBIAN從背景彈出提示…

“白痴玲之家群組向你發出訊息…."

我忽略佢, 再發出撥號指令.

“白痴玲之家群組向你發出訊息…."

再忽略佢, 再發出撥號指令.

“白痴玲之家群組….標題 : 羅漢果有助排便功能….哈哈….唔怪得之痾到企唔穩…..大妹姐: 羅漢果只會清腸胃….昌 : 猜謎語…..共135個已忽略訊息."

**WHATSAPP 4 SYMBIAN無法關閉提示或群組靜音.

“成家都癲!"我再發出撥號指令.

“咩料呀強哥?"

“屌點解係連? 色唔識色渣車?"

“下? 咩話? 緊係識! 你唔記得我上個月先炒左度門咩? 咩事?"

“無事! 打梳!!"

無計可思. 好彩我見坐左半粒鐘, 個嘴開始無咁腫, 至少可以行路. 我放棄左打999的念頭. 打開電話薄至發覺, 呢個時間呢個地方, 可以渣車可以救我的朋友真係好多, 只係無人會理我啫. 反正始終都唔係一件光彩既事, 同埋想像嚴重程度笨無實際咁嚴重, 於是我決定踩返科學園攞車返屋企.

好不容易返到屋企門口.

“單車緊係要日頭踩嫁啦! 黑媽媽會仆死嫁!" “CLS踩坦克啦你!" 我企嚮門口諗起今日同白痴玲因為夜晚不能踩車日頭踩車又不能太晒的爭執而卻步. 心諗如果比佢知道我仆街, 好有可能會比我去新加波但唔比我踩車喎. 咁同比我同姐姐上床但唔準攪野有乜分別???

於是乎我決定唔可以比佢知. 我放長褲管, 抹乾淨個嘴, 收埋丟反晒出來既異形四合唇, 固意啜實, 刻意步覆輕盈, 強裝滿足輕鬆的樣子, 入屋沖涼然後鼠入書房.

“左膝頭蓋應該有少少骨裂, 上骻牙藏骨腫脹兩隻門牙鬆左向入而令牙關合不上. 加上下內唇因為被牙齒強力擠壓破裂(因為閉上了眼睛合上牙關地仆), 好彩雙手有帶手套, 雙腳同雙掌少少皮外傷, 貼兩塊膠布潄個口應該無事. 萬幸中的萬幸."我自我檢查傷勢.

呢個時候白痴玲拿住碗熱騰騰的湯入來書房.

“阿媽煲嫁! 已經番熱過你, 趁熱."說罷便繼續同隻貓玩捉伊人.

我望住碗熱烘烘的清熱解毒羅漢果茶, 用盡方法嚮唔掂到個四合唇下飲左佢, 包括倒立飲, 飲管飲, 用鼻飲, 發現反塊四合唇來包住碗邊飲呢個方法係最唔痛…

微弱的燈光下, 我睇到碗金黃色的羅漢茶, 一時帶著深啡色的煙混圖案, 迅間又被吸扯回去, 迅間又被咖啡色圖案所渲染.

很是美麗.

“雪~~~~呀~~~雪~~~~~呀~~~~~"呢一刻既感覺, 就好似帶左白痴牌金剛圈同姐姐打車輪咁.

“咄~咄咄咄咄…..咄~ 咄咄咄咄咄……咄!!!!! 咄咄咄咄咄! 嘩啦嘩啦!!! 走? 走去邊!? 臭豬?" 門外傳來白痴玲同隻貓玩僕匿匿的聲音.

“成家都PLC!"

雪山被熱騰騰既羅漢果茶溶化了, 碗茶越飲越大碗. 我忍痛咬住下唇, 趁輪到白痴玲匿埋, 隻貓搵佢既時候, 靜雞雞出去倒左碗血.

然後我又趁, 到隻貓匿埋, 白痴玲搵佢的時候, 我鼠上張床訓覺.

我閉上眼睛, 一幕一幕仆街的情景重覆出現. 當時, 我打左一個360根斗. 正常來講無咁可能, 我呢D咁PRO, 究竟錯左哪裡?

“當時我因為放開一隻手想令血液流通. 一個失衡, 唯一一隻手上的BRAKE不幸係前輪. 都係唔明, 我嚮半空的時候, 點解雙手唔夠力低消衝力而令個嘴都要狠狠咁衝落地? 以我的體重, 加上均速只不過廿幾KM, 乘以一個根斗, 兩米的高度, 衝力大約介乎300LB之間, 我對手應該可以承受舜間400LB以上的衝力, 無理由仆得咁甘嫁? "

諗極都唔明, 直至WHATSAPP收到朋友發來既訊息."小倉奈奈之慾成…"

“謎底終於解開!" 一定因為潛意識我雙手不能太用力, 因為平時無帶手套的習慣, 為免雙手重傷, 嚮兩者取平衡下, 我下意識作出作呢個五十五十傷害分佈的決定. 如果我無帶手套, 無閉上眼睛合緊牙關, 恐防條脷都不保. 今次呢個教訓, 肯定令我以後唔敢唔帶套去滾了.

好辛苦完頂到放工, 同事們都關心地前來慰問, 然後個個眼濕濕咁很是感動.

“嘩你傷成咁今日都仲返工? 如果覺唔妥寫紙你照照…比兩日假你抖抖!"全世界只有佢關心我既傷勢.

當晚同白痴玲嚮樓下茶記食飯, 嚮充足的燈光同久等飯菜的情況下, 白痴玲終於發覺到……

“異依~~幫你落D TABASCO, 老公最鐘意啦!! 無辣不歡! 嘻嘻!"

然後死命CHOK.

“夠! 我有分數丫, 你落自己唔好理我得唔得?"

“順手姐! 嘻嘻!"

“夠啦!!"我一手擋禁住佢.

“哎吔! 你隻手……..好烏糟呀! 即刻去廁所洗乾淨至好食呀下!"

“救命…你又我啦!"

“你舊屎無咁拿渣嫁! D手指甲菌晒黑邊啦!" (血積)

“你做下善事, 放過我啦, 咩都還晒比你啦咁多年!"

“你好去洗乾淨呀下!"

“殺左人都放左監啦, 你比我食野啦!"

“嘩! 你個嘴!!!??? 哎吔! 你個嘴爆冊呀! 熱氣呀你! 腫腫地咁? 返去煲D羅漢果….."

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s