問妳老母吧

晚上十點鐘, 剛回家沖完涼出來, 未趕及著底褲電話突然嚮起來.

“喂!?"

“姐夫, 我要搬過來同你住."阿昌從電話中傳來欲哭無淚之聲.

“好呀, 幾時丫, 無任歡迎, "

“一言為定..我依家過來….等我執幾件衫…."

“好! 但係你拿拿聲入紙比你老母叫佢將你大姐掉返過去做大臣先…"

“下! 你咁忍心?"

“夠你老母忍心?"

我拿起支煙徐徐點著.

“呼~~其實我見佢嚮田土廳過檔你大姐比我時, 見到佢笑到見牙唔見眼我就應該略知一二..唉….我真死蠢…."

“咁又係…當我無講過…算啦."

“咩事姐究竟?"

“我老母貼左張告示嚮間屋度話嚴禁抽煙, 違者可罰搬遷."

“乜佢咁睇唔開呀? 咁你地搵左屋比佢未呀?"

“唉….邊係咁丫, 佢意思係要我地搬."

“都好o既, 你老母都係為左你地兩兄弟好姐. 男人要自力更新!"

“你究竟明唔明我講乜嫁姐? 點解我覺得你好似咁無離頭咁o既?"

細佬昌好少咁認真看待一個問題, 比佢咁話一話我登時收返起晒d唔正經, 同佢正正經經咁討論人生大事.

“果日大佬文嚮廁所煲煙, 佢出來阿媽就入去, 跟住就發晒癲啦, 又話懶野, 又話濕滯,又話抵全球禁煙."

 

“咁下次佢去完廁所出來, 你咪又發癲囉, 又話懶野又話濕滯囉, 去完廁所咁死臭下一個點去呀? 抵全球禁屎咁囉…"

“你………"

“打個比喻, 我有件老味吉蒂的t-shirt, 粉紅色, 係你大姐的, 我送比你著丫反正你咁瘦, 你一定要著喎!"

“你……唔好咁啦好無…..點解你咁盟塞…."

“我好認真的, 唔係講笑, 即係你唔鐘意著粉紅色老味吉蒂t-shirt又點可以逼人著呢?正如唔食煙的人唔想食二手煙的原理一樣."

“我明, 我地己經理入廁所啦, 佢又話要食就嚮窗邊吹出去唔準吹返入來. 好啦嚮窗邊食啦,呢d屋開晒窗有乜理由d風會吹出去丫, 咁唔多唔少都吹入來嫁啦."

“咁….都不無道理喎, 除非完全唔食嫁姐…"

“唔比嚮廁所, 理埋一角嚮窗台無得一邊大解一邊食己經好將就, 咁出到窗台又話唔比要出走廊食,你知啦, 來來去去都係呢層樓, 出到走廊又話出面窗口吹返入來, 門罅舌返入來…"

“咁都有佢道理, 咁你地不妨搭車去旺角食囉, 返來時間o岩o岩好…."

“咁大佬文咪同阿媽炒野囉, 佢話, 卅幾歲人食支煙都唔得."

呼~~我吹出一口煙說."咁卅幾歲人打劫得唔得丫?"

“好野呀姐夫! 你點知阿媽會咁答嫁?"

“呼~~"我再吹出一口煙說."因為你大姐咁答囉."

“咁你點算呀? 你家下係咪嚮旺角呀?"

“我嚮屋企."

“大姐唔嚮度咩?"

“嚮度呀."

“你好厲害呀! 你點答大姐呀? 教我丫!"

“無呀, 我話你唔抵得煙就搭車出旺角走轉, 返來我食完咁囉."

“咁型?!"

“駛乜講, 講多兩句我嘴都打歪佢. 你都努力啦, 我明白你兩兄弟感受, 一來係老母, 二來你地又長時間嚮d咁有教養的家庭長大. 唔通真係搬走唔理佢咩…."

“咪就係, 離開係容易的, 留低先難. 戒又戒唔甩."

“咪係, 食煙就好似細佬塞入汽水樽一樣. 如果我戒甩煙果日, 就係因為成功脫離你大姐之時,到時佢都睇唔到啦."

“咁又係, 乜塞乜入汽水樽?"

“不能自拔囉…"

“明白.  咁大佬又頂得佢好恆呀! 阿媽好唔開心! 又話搬走容易留低難…點解要咁自作自受….點解咁為難自己…之類,"

“咁你老母點答呀?"

“…佢話…..佢話叫我地問我老豆喎……照顧佢遷就佢係應該囉…."

“醒喎! 高招喎……"我驚嘆原來大妹姐有如斯泥橫拆曲水銀瀉地的絕世武功.

“….呀! 唔講啦唔講啦….嘩…."

“…你個衰仔仲捉你……"電話傳來細佬從汽水中拔出來的撕叫聲後便掛斷了.

“唉……孝順仔真係註定無前途…..做有前途的男人必定要斷六親……做更出色的男人更加要絕道義."

呢個時候, 白痴玲見我講完電話就即刻擔左張椅坐左嚮我隔離, 然後又雞啄唔斷咁講佢今日用過D咩獨有的凸型凹仆同凹型凸仆, 返到公司三線行人都可以撞幾次台角才成功返埋位等等.

“點解我成日無啦啦都仆街o既?"

“下?"

“我呀, 真係達地好平都仆嫁喎…呀唔係, 有一次係有個樽蓋嚮地下…."

“下? 咁睇唔到咁大個樽蓋善親都好平常."果次我親眼睇住佢仆, 仲將手上所有的荳腐花拋上半空.

“..我呃你嫁乍…其實我不單止睇到個樽蓋…."

“唔…得啦…明…."我好唔耐煩咁無理佢繼續玩電腦, 背後傳來的qq姐姐叫聲但無法作答.

“我呢…今日行返埋位前撞到兩次台角, 一次左邊大脾一次右脾呀! 當然又瘀晒啦…."說罷將隻七彩神仙腿打出來比我睇.

“出旺角打出來啦, 可以乞錢."

“咄….點解我會咁o既?"

點解我會咁o既? 點解我會咁o既? 點解我會咁o既? 點解我會咁o既? 點解我會咁o既?點解我會咁o既? 點解我會咁o既? 點解我會咁o既?點解我會咁o既? 點解我會咁o既? 點解我會咁o既? 點解我會咁o既? 點解我會咁o既?點解我會咁o既? 點解我會咁o既? 點解我會咁o既?點解我會咁o既? 點解我會咁o既? 點解我會咁o既? 點解我會咁o既? 點解我會咁o既?點解我會咁o既? 點解我會咁o既? 點解我會咁o既?點解我會咁o既? 點解我會咁o既? 點解我會咁o既? 點解我會咁o既? 點解我會咁o既?點解我會咁o既? 點解我會咁o既? 點解我會咁o既?

我呆左一呆..腦內突然重播剛才同阿昌的對話….大妹姐妙絕的答案….

“問你老母啦, 問我把柒呀?"

“下? 阿媽識答咩? 答我啦."

“你不如問我點解發雞盲鬼暗眼聚妳會易答少少…."

“係咪真係咁難為你丫?"

“問你老母囉…"

“你近來食多左好多煙…."

“問你老母啦…"

“個電視成日著下唔著…."

“問你老母吧…."

“臭安同臭雙近來好似唔係好采大家咁…係咪同初一鬧交呢?"

“去問你老母…."

“點解天氣咁凍你都可以唔著衫而我就係咁乞次乞次?"

“問你老母啦…."

“點解你朝早可以五分鐘就出門口, 牙又唔擦面又可以唔洗都得?"

“點解你成日呻d鼻涕嚮浴缸度? 頭先我跌左本書落去浴缸拿返上來一pat野咁? 呻嚮碗盤已經係我極限, 點解唔呻嚮洗手盤呢?"

“………"我一時無言以對.

“咁….鼻涕係要呻…FAT出來先爽…嫁嘛!"

“咁你可以用紙巾FAT丫!"

“下? 已經要自己呻, 仲要用紙巾, 做男人仲有無慘D呀?"

“咁你去完便便唔好用廁紙丫!"

“丫, 你點知我係咁嫁?"

“你呀! 識你果時都唔係咁嫁! 烏糟垃塌!"

我終於忍唔住….

“咩呀! 卅幾歲人嚮邊度呻鼻涕都要你管呀? 唔係你我駛呻鼻涕落浴缸???" 我火都來埋.

“邊個叫你扮大隻呀! 有衫又唔著有被你又唔蓋!!! 你自己來嫁乍!!"

“係呀, 咩都係我自己拿來嫁啦! 聚你返來咪係一個好好的捉蟲入屎忽的例子囉! 連鼻涕都要自己呻!"我心諗.

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s