怕事

天氣=晴

“呀!!!!!!!!!!!!!!! 嗚嘩!!!!!!!!!!!!!!!!!!!!!!!! **小強呀**!!!!!!!!!!!!!!!!!!!!!!!!!!!!!!!!"白痴玲的尖叫聲震遍整間餐館.

註**呢度的小強指蟑螂**

“妖….手指尾咁大隻食左都唔覺啦."我輕輕挎開可憐的小強屍體嚮碟邊, 一條生命就此結朿,心中不禁一沉.

“手指尾咁大隻你夠膽死話唔覺都得?"白痴玲個樣好興.

“我乜乜究蓮偶咁大又唔見妳開聲叫救命?"

“我費事睬妳呀! 我唔叫個經理出來鬧到佢死我唔姓馮呀!"

“唔好攪事啦!"

“你地d男人就係怕事呀!"

“怕事我唔聚妳啦!"

“咩呀! 家下好難為妳呀? 唔好要囉!"

“哎也, 你睇下成千人望住我地啦, 話晒呢間餐館嚮太古城都算中上丫, 成個潑婦咁呀!妳舊屎邊係咁嫁? 唔係貪妳鵪鵲咁細細聲我會溝妳?"

“你好好! 初初溝人果陣屎, 見到杯水有小小渣乍, 你都想報警咁滯呀! 好啦, 依家都桌左囉,咩都唔理啦…"白痴玲開始面紅耳熱.

“先生, 唔好意思, 我地幫你取消佢或者換過碟丫…"待仔遠遠都聽到我地的吵罵聲.

“唔駛! 唔好鬼縱呢d人呀! 食肆有小強幾唔奇呀? 你叫佢開間連小強都唔唬的出來睇下囉!"

“話晒都係熟客仔…呢餐我地唔收錢啦, 你地唔好嘈啦, 咁會影嚮到我地做生意嫁…"連老板娘都走埋來.

“唔駛! 我無錢比呀駛你請? 係佢蛇quare之嘛, 上兩次我見到都無出聲啦!"我一時口快快.

“嗚呀! 食過兩次你都夠膽死唔出聲!!!"白痴玲開始瘋了.

“….噓! 幾唔奇喎….好食丫嘛呢間….又唔貴…"

“你無鬼用嫁!! 你. 呀. hum. 家. 都. 咁. 怕. 事. 嫁! 無. 死. 用. 嫁!!!"

“你…hum….家……都……咁……怕……..事……….嫁……無…..撚…..用…..嫁……"

白痴玲一句說話令我諗起細佬勇多年前的一個故事.

“我地成家都咁怕事嫁, 乜q都求撚期."

當年幾兄弟跟老豆清哥食羊腩煲, 當細佬勇一口把羊肉放入口內不久, 鮮血便從口中冒射出來.細佬勇徐徐從口中拿出一大片玻璃碎片.

“救命!!!"

“嘩下! 咁大塊都得."我同其餘的大佬嚮度研究.

“應該係7up樽."

“我就覺得係雪碧囉."

“雪碧樽好厚嫁! 仲有凹凸紋."

“我覺得係綠寶囉."

“似啦!"然後幾兄弟無理到細佬勇繼續食. 當然小心左D, 睇清楚d先放入口啦.

“仆你個街丫!"細佬勇的小宇宙催谷到黃金戰士的境界. 祖宗, 人類來源, 生物科技,
還有捕乳類精子同昆蟲卵子大百科由四方八面洶湧召集過來, 準備最強的一擊. 當年只有十四歲的小勇有如斯強橫功力, 幾兄弟都為之側目.

“我賓你老母條辮….

不出七個字的起手式被硬生生震停了. 縱有黃金戰士小宇宙的小勇, 完全感覺唔到坐在一旁功力深厚程度的清哥.只見清哥一口咬住舊大大的羊肉, 騰出筷子, 換手, 將筷子用超白金戰仕的速度將小勇手上的綠寶玻璃碎片夾實再向月球方向丟去. 回手式仲有時間夾住唐篙比小勇, 動作一氣呵成同流暢, 比芳姐的筷子頭仆手指骨更見超卓.(係平常食飯時最常用懲罰我地的招數,首先將筷子尖篤一下台面弄齊, 然後用較粗的子頭部份加上深厚內功嚮我們手背的四個指骨鏘去. 因為動作比反射神經還快, 手完全沒有反應收回. 通常被鏘後一週手部都會發漲, 如打石屎牆後情況一樣.)

“食住菜止血."

“你…"

“啪啪啪…好厲害!!"其餘幾兄弟, 包括我.

“唔好攪事, 我成日來呢間野食飯. 當自己唔好彩."

“你…."

“坐底!!!"

“你…."

“砰崩!!!!!"

細佬當年反台壯舉年年都被選為最轟動人一刻和最敢人場面, 之後佢的收場當然無用多說.

最後細佬勇係係第一個提出"跟老豆老母做相反逆對的事便能踏進成功之道", 簡稱"相對論"的起草委員,而我地幾兄弟日後的成功全懶呢個明確方向.

我諗到呢度, 成個人醒過來. 一手緊緊咁捉住正想收去小強屍體的待仔.

“放低."

“呀…痛…"

然後拿起電話.

“食環署係咪?"

“係."傳來一把未訓醒之女聲.

“我要投訴."

“好.投訴乜野?"

“我食野食到小強…"

“(省一千字)"

“我小你姐姐, 叫妳上司同我講野!"

“算啦不如….好多人圍住我地呀."白痴玲從來未曾見我嚮公眾場合如此憤怒過.

“你地唔好埋來呀!!! 唔好埋來呀!!!!" 我攬住載住小強條屍的碟子, 退到死角, 將台同椅推了出去作為屏隔.然後繼續同我地全能(原全無能)的政府部門對示.

“拿我今朝放半日假嫁姐, 依家食緊晏, 你幾時派人來都比個時間我, 我同你老母傾左咁撚耐你老母就係同我講唔知幾時會有你地班食塞米過來, 一係叫我用袋入住佢, 仲要係呢間餐廳的袋, 你老母有無腦嫁? 家下我投訴佢地仲叫佢地比個外賣袋我入住小強屍,不如叫我同埋佢地一眾工作人員合照丫! 你班撚屌係咪食屎大嫁?"

“咩話? 好多case? 我理撚得你幾多case, 一日好兩日好你都話我知, 我買定乾糧嚮度過夜等你地班仆街你都比個日子我丫, 我要同公司請幾多日假呀???"

“好! 你同我即刻死過來! 搭的士! 我比!!!!"說罷便好大力咁收左線.

“先生….你冷靜d….冷靜d….."

“老公….算啦…我都要返工…..你都要返工嫁…."

“你地唔好行埋來呀!!! 想委滅証據呀???"

“係係係….邊位投訴??"一位身穿白衣連同一個抽住冷藏箱子的嬏嬏突然出現我眼前.

“嘩!? 有無咁快呀? 咩的士呀?"

“嘻嘻….好近姐….嚮則魚涌街市之嘛….嘻嘻….點樣??"

“你老母又話老連咁遠…"

“係係係..咩事呀下?? 邊樹有小強??"衛生幫扯開話題.

我好小心遞上可憐的小強屍體.

“嘩下, 都好大隻下喎..都成蟲囉喎….又係離普d既…."

“我地都成日叫殺蟲公司嫁啦."老板好唔好意思.

“我地食過三次先投訴嫁啦! 比晒機會佢地!"白痴玲見到個勢嚮呢邊又返番過來.

“哈! 你地又係, 食三次都要幫襯. 你地唔幫襯佢地呢d無良店舖就會執笠啦…唉….."衛生幫示意嬏嬏包好小強屍作化驗.

“拿, 呢度有兩份表, 呢份先生填, 呢份見証人, 即係呢位小姐啦."

“嘩…仲長過會考d試卷呀!! 不如算啦…."

“算? 我當大學final year project做! 一萬字圖文並茂! 妳咁怕事嫁咩? 下?"

填form半小時後…lunch己過, 餐廳靜靜的有我, 白痴玲, 衛生幫, 訓著的嬸嬸, 過來湊熱鬧目露兇光點相般的廚師,仲有對將form好有興趣的老板娘.

“乜撚野叫發現異物時, 異物的存在方式呀?"

“小強屍的存在方式? 係咪即係死左呀?"

“乜撚野叫異物的存在方法呀?"

“係咪即係麵呀?"老板娘答.

“小強唔一定食麵生存嫁喎, 食乜都得嫁喎!"白痴玲答

“可能….嗯..是q旦….乜撚野叫異物運送方法呀?"

“係咪即係人呀?"老板良答.

“會唔會係走入去呀?"白痴玲答

“嗯…都有可能…..乜撚野異物存在氣溫呀?"

“睇過….係咪即係室溫呀?"

“有冷氣喎.."

“你寫大約廿五度, 括住室溫有冷氣咁囉."

大約填多卅分鐘, 我深信難度絕不下於現今大學畢業論文.

“哈! 呢條仲撚頂癮….(難/50分) 乜撚野發現異物過程…我係咪要由點解請半日假開始講? 點解咁屎忽痕晨早流流同阿嬏爭位仲要等太上老君詩詩然來食飯, 又要講到我今日心情起服點解會叫呢味送咁呀? 呢d乜撚野題目呀!!!!??"我彈起身正想撕爛將form.

“唔好呀! 有咩睇唔開都填埋份form先丫, 將form有老no., 我出左case又要交功課"

“唔好阻撚住我…你老母每年交咁撚多錢稅你班塞米設計張咁的form比我填足一日..你老母辭淵都查唔明你地問乜…仆街英又唔知你問乜中又唔知你寫乜…."我d火簡直燒到,如果有支機關槍嚮度的話多好.

足足填左兩個鐘, 封幾廿個封條簽幾廿個’更改處’簽名. 終於到最後一欄.

“拿李先生馮小姐, 辛苦晒啦, 最後簽名之前我要同大家講清楚, 問多次, 你地係咪決定告佢地…"

“我….唔係想告佢地…我貪得意….玩下姐…嘻嘻….好野…無事…..返埋位做野!"

“你唔好咁啦李生, 我的意思係, 如果你地親身告佢地, 機會大d, 因為你地係事主當事人,佢地認尤自可, 佢地唔認的話, 我要話定比你知, 個官有需要的話會隨時召你地上庭. 你亦可以交比我地衛生署告, 但係機會就微d啦."

“下? 咁麻煩? 咁咪要請假囉?"白痴玲說.

“召!! 奉陪!!! 隨傳隨到即叫即做! 來丫! 係呀! 告到佢天腳底!"我再啤一啤白痴玲,
佢嘗試逃避我的目光.

“拿….你自己話告嫁乍…"白痴玲又變回關人忍事.

“咁好啦, 你可以嚮度簽名."

我開始簽.

“即係可能啦下…佢地唔認…個官又唔信你地…咁佢地就可能告番你地囉."

“下? 唔係嗎? 佢家下食到小強仲要比人告?"白痴玲直頭置身道外.

“香港係公平公正的社會嘛, 你開間舖頭如果比人屈放小強你都會告番佢地啦係咪? 生意上的損失咁囉."

“咪就係! 你估好過癮呀比人告!? lunch仲比咁多人見到! 係呀師父! 我決定告嫁啦!
簽好嫁啦…你都簽啦白痴!!"

“唔該晒, 我地會再寄信通知你地..咁差唔多嫁啦, 我地再守集多d資料….."

就係咁攪到三點半.

一路行送白痴玲返工我無出一句聲.

“會唔會比人反告嫁? 你都係盡公民責任姐…."

“點解唔會? 如果人家檢驗出証物只係可以嚮新基奈亞先搵到的新種麒麟二形, 我係佢都告返你轉頭, 假証供, 玩野, 誣告, 然後摺埋間舖, 話我地做成佢地執笠, 再追討所有損失咁囉."

“咁係咪要坐監呀?"

“坐監? 我賣埋層樓典當強劫賣友求榮, 必要事典當埋妳比有錢伯伯我都誓要打嬴呢場官司!!!"

“駛唔駛咁嚴重呀?"

“唔駛? 邊個b里巴啦嘈先嫁? 乜撚乜乜撚七呀? 攪撚大佢囉! 幾型! 係咪好暢好好爽呀! 你知唔知咩叫唔怕事呀? 係呀, 頭先我見個廚房佬昅住你好耐啦, 你無乜必要就運路行, 最好頭帶膠袋返工啦! 一陣有咩意外你就明白咩叫世途險惡呀. 咪當買個教訓啦, 最多咪幸家產! YOU DESIRE IT RIGHT?"

“又唔係我話要告…係你自己搞大佢之嘛……."白痴玲眼紅紅.

“係呀, 係我自己搞大的! 唔關你事! 我根本由第一日咩咩咩開始就係捉蟲入忽嫁啦! 好好地一條冷自由自在溝盡天下美女…無啦啦…挖肉拿瘡生….抵死嫁!! 抵喎! 見到老豆同老母都知結婚係世紀七大笨七行為之一嫁啦, 丫…諗住佢地遲我早咁應該都算相對論丫…丫…誰知….

“又唔係我話要結…"

“嗚嘩~~~"

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s