我要退貨

天氣=晴, 寒

“退貨!! 我要退貨!! 老板, 你睇下你件貨, 設計獨特得來又難用, 功能多得來但係唔實制, 個款係幾好但係就鬼死咁食油, 年終都用唔到一次364日放嚮度牙訂! 家下咁時勢物勢, 週街都搵到, 款式又新, 又可以換殼. 係就係功能可能無咁多個款可能無咁標緻, 但究實制丫嘛! 仲乜鬼野都要佩原裝行貨先得, 又無compatible, d part屎差d唔係from Italy都話安唔入. 係咁二換少少零件又貴到仆街! 仲要年年比保養費!家下放嚮度成日都用唔到一次, 你知啦, 今時今日香港地咁經濟, 真係好重皮嫁嘛! 不如我退返比你啦…..唉…你睇, 兩野又壞, 整整又成千銀一次, 我真係頂唔順啦…."

“對唔住, 貨物出們恕不退換. 你知嫁! 個個咁退仲得掂!? 79年係就係老d, 但話晒都係歐洲車丫…."

“…真係小喇叭…買過件都唔駛咁貴…"

“你唔要丟出去睇下, 大把人搶住要!"

“硬..硬…..硬係啦….d人唔知丫嘛! 用落佢地就知大檸樂!! 不過d香港人係賤嫁啦,阿婆無人奸奸開有人爭…."

“無法啦….你自己揀o既…..多謝你五千!"

“無呀! 無得比呀!…."

“無? 又養車一陣又去旅行又要交幾萬銀稅, 供樓都幾萬一個月, 又唔見電話你同我講無錢?"

“我養車都係你出品的車乍! 成日壞你估我想養? 駛唔駛洗一亳子都要每人分幾蚊呀?"

“你唔好比囉, 睇下你有車又有無路行?"

“你….你好野!"

“咁得啦, 順便過去隔離保養部比埋d尾數…."

“佢老味…..同我分身家呀! 我識印銀子呀?"

“多謝!"

“入又要入白金超勁無人做色素….換對鏡又要千幾二千銀亞曼妮……打層臘又要水
晶防乜防七sk2….真屌…"

“多謝姐夫!"

“最頂癮想用o既時候又話擺得耐要換電換火咀….."

“多謝姐夫!! 祝你年生貴子!!"

“生條毛呀? 瘡都無粒啦! 幸家富貴你睇佢!! 面青青口唇白, 生仔我驚(新年流流下刪一百字)….."

“祝你一年賺多過一年!!"

“挑你老味賺埋都唔夠燒……好啦, 放假幾日諗住有得用下啦…又話病! 又話張被薄
! 己經十九幾張羽絨捲住見都見唔到唔好話掂…"

“祝表姐夫你心想事成!!!"

“我心想家下可以即刻走佬! 同大波姐姐事成! 下年唔駛比錢你地!"

“祝大表姐夫你今年賺多d!"

“賺多d比q晒你地! 你係邊位呀? 我老豆老母都未比佢一亳子佢地呀陰功!! 仲打麻雀嬴左佢地成千銀! 同我地呢d忤逆仔講孝順? 我挑! 好啦無病無痛啦….又話漏油唔方便…..頂丫! 咁點呀? 無法啦又要用, 咁唯有租車啦! 邊得嫁姐咁樣? 有架波子有乜奶油仲要租架哥露娜姐? 租法拉利又無錢…….把鬼火泊埋去山邊然後買過架!你逼我嫁乍!"

“喂! 姐夫? 你嚮度吟吟尋尋仲乜呀?"

“係係係….無無無無….嬉嬉….恭喜發財….越大越醒呀若愚!!!"

“哼! 我不嬲都咁醒!"

“你個樣好似好不滿咁喎….梗係幻想緊退貨啦! 你唔好當我白痴! 一見你個咁死樣我就知你諗緊乜野! 退啦退啦! 我睇你退唔退得到! 好難為你呀家下….咳咳…."白痴玲病到九彩咁.

“唉唷…..無陰功咯…..睇過….."馮氏四大姨婆久未露面, 嚮呢個陝少的公屋單位內再一次相逢.

“都唔知呢隻野點樣養我地村花玲! 你睇! 攪到佢得番半條人命咁!"

“咪係! 一定條木契食又唔好著又唔夠啦! 估唔到佢咁衰! 咁樣呃左我地村花姪女!!!"

“嘩你咁都夠膽死up得出我呃佢!?? 你睇下邊個呃緊邊個??"我正嚮度派緊錢.

“哎唷….你睇你睇, 件衫幾薄呀, 面青口唇白手腳又冰冷! 係咪無定時食保品呀? 女人唔保好易無嫁!!"

“哈! 你地四隻耆也母怪舖話法! 如果隻白痴嚮我面前有一丁點似你而佢仲有命生存至今我跟你姓啦! 你當我係你地d老公呀!?"我超一超佢地班老公, 隻隻鵪鵲的坐在樹枝上呀呀的唱著慶年歌.

呢個時候其中一隻向我單一單眼色, 示意男兒有志不興彈. 然後再補一滴淚水加強呢個moment的效果.

“唔好咁講, 阿強都係叻仔來!!"

“……………"

“……………"

全場突然鴉雀無聲.

“你睇下阿昌(白痴玲細佬). 唔係因為阿強, 阿昌唔會發掘佢對科技的熱誠."然後指一指聲都唔聲嚮度玩緊電腦, 平時己經因為講錯說話而跪緊祖先的阿昌.

“哈…..嘻嘻….騎騎….."阿昌原全無理過我地.

“唔講唔講, 講起就把火, 你睇佢d電話呀手機呀電腦呀相機呀mp3呀咁…好學唔學!一出身d糧就用晒嚮呢d科技上面…it喎! 好學唔學學埋佢姐夫咁大駛就真係刻燴!第時玩到唔拿錢返屋企你咪話唔係大姐夫教你呀!"

“丫你班仆街屈得出就屈, 好野無得你學呀!?"

“你有咩好野比人學丫?"

“你!"

“咩呀! 話得你唔O岩呀?"

“你話佢睇乜鬼睇得咁開心丫啦?"

“哎..都唔知d後生….自從有部電腦之後, 佢就成日對住個mon係咁咭咭咭咭咁笑….女呀, 你老公係唔係咁嫁?"

“咳….佢….."

“來! 抹左d血先…."我用紙巾塞住白痴玲把口.

“睇過…."我一個箭步上前遮住個mon.

“死仔!"

然後大家交換一個男人的眼神.

“來!! 利利是是….."

“多謝姐夫!!"

“哈哈!! 多乜鬼謝!! 應該的…哈哈!!

“好啦! 大家到齊啦, 今日唔煮飯啦, 落街食!!"

“yeah!!!!"

“yeah!!!!"我眼泛淚光, 今年終於唔駛食七彩年糕啦. 猴年果然係一個好的開始! 希望今年事事順境. 雖然把口天生咁衰, 但眼件白痴玲攪成咁唔多唔少都可能因為我照顧不週, 退貨的念頭嚮呢個愛登氏姨媽姑姐的環境下一下子打消了.

但係和平的日子係咁就咁就逄臨我身上?

似乎唔係咁容易.

一村人吃過開年飯後, 好自然張單又落在我手. 做大的便有這個福份. 但做大的又有咩其它優惠呢? 突然好掛住兩老, 做仔的竟然一點點都照顧唔到佢地, 反而呢刻,嚮呢樹, 做d咁野, 比d咁錢.

新年我就年毛都無買條探自己的老豆老母. 但係度度咁買, 我又比得幾多? 犧牲總係有, 但係點做先可以平衡?

我壓力太大了…大到有點精神失常. 關係太覆集了, 我為繫得痛不慾生.

一個人越大責任越大壓力越大, 做男人的膞頭亦要較闊.

我都係比較鐘意嚮自己屋企人面前多點, 唔駛做大, 可以散嬌.

“媽媽呀~~大佬堅蝦我呀!"

“睇過….唉唷….陰公咯….媽媽錫番!啜啜!!"

點解人要咁犯賤?

從今日起我決定重新愛我屋企人多點. 兩老從來都無開過一句口問我要一亳子, 呢一刻我覺得好慚愧, 愧對佢地.

“仔, 爸爸明白, 想當年我唔係一亳子都比晒老豆, 大個一亳子都比晒老婆攪到今時今日咁田地呢? 最緊要攪掂自己. 自私得來要平衡, 要以大局為重."

“嗯…你講得O岩, 如果你D錢唔係比老母呃晒, 今時今日仲邊有屋企丫…"

“嗯…"我一路行一路諗.

“頭先你做咩咁緊張阿昌個mon???"回家途中白痴玲突然追問. 估唔到佢咁眉精眼企.

“無. 阿昌當時上緊網."

“呀?"

“睇緊小強日記….丫! 我屌!!!"

係呀! 咩呀! 我係好不滿呀! 我係話緊你地班騎呢愛登氏四大神獸呀! 你吹呀! 係呀!我係想退貨呀! 調轉丫! 你試下頂兩日丫! 哼! 個個問我拿錢邊個比錢我呀? 果個又要養呢個又要, 我識印銀紙呀? 就算識都比我老豆老母先丫!! 你個女我買斷左嫁啦! 仲要保養! 我又無話要保養!? 搶野呀! 無陰功呀你地!!!! 蝦細路…..嗚…..想威脅我? 無咁易!!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s