財政預算

 

天氣=差~嘛嘛

今日唯一值得安慰既就係出糧, 除了一半用來供樓外, 剩下的要交電費, 電話費,差餉, 水費, 煤氣費, 管理費, 咭數, 貸款, 家用(仔仔和老婆的零用錢), 封利士/辨年貨, 平時開支, 儲備金…..

將架計數機篤到爛咁滯, 剩低只係得—唔夠三舊水.

D人個個都讚我叻仔, 咁後生就可以維持到一個家, 事業有成, 才色兼收, 博學多才, 人盡可枯…..我都覺得佢地講得冇錯, 我竟然可以只係用三舊水就能夠涯一個月, 仲做到表面風光非常, 萬人敬仰. 用左差不多成個鐘頭, 把今個月的洗用, 用我專業的管理學問, 加上公司既時間, 寫了份未期報告. 內容大約如下….

********************************************************

Report of bills auto-transaction

TOTAL INCOME

$50,000

EXPENSE ITEMS (Please refer to Page 1 figure 1.1 for items list)

-$21,000-$800-$700-$1500-$300-$400-$1000-$10000-$3000-$4000-$4000-$2000-$1000

BALANCE

+$300

EXPENSES ($2000)

1, Daily (travel, lunch) $50X20 =$1000

2, Weeky (drink tea, supermarket) $250X4 =$1000

ENTERTAINMENT (Credit cards expenses, unexpected expens)

1, Models (Cars, Gundam) $0~$500

2, CD/VCD/DVD $100~$2000

3, Computer Parts (Ram, display cards etc…) $0~$4000

4, Mobile Phones $1000~$1500

5, Refuses1 (Hello Kitty, forever shits, winn..)$100~$1000

6, Refuses2 (Cloths, shoes, make up, hand bag..)$300~$4000

*****************************************************************
睇到現今D後生仔女, 呢個又此至不渝, 相逄恨晚, 果個又話長相思守, 逝水長流. 我諗佢地睇下呢張單, 然後再講…

今日星期五, Holiday mood太重, 自從比老細Fred炳完後, 新來的Jeff Ng又忙得不可開交. 眼看佢地走來走去, 自已就坐向度唔知做乜, 真係有D羡慕.

“唔著褲, 入一入來我房."只聽到老細從房中電話轉到Jeff Ng電話筒, 再由唔著褲的再耳入, 右耳出.

“知道."唔著褲不感怠慢的.

“又要開大會?"我問.

“係呀, 今次係預備Annual dinner的大計演詞. 犀利啦, 我地諗住下年將全公司的電腦安上Voice Mail加Intranet phone, 咁連電話都可以省掉, 再加上……"

救命呀, 計我老婆之後, 第一個, 可能係唯一一個的男人能夠令我元神出竅的, 當我元神回來時, 吳著褲已經走了. 同一時間, 放學的鐘聲亦嚮起來.

“準備, 一開閘首先由味精帶出, 嘩!骨精都唔弱, 雞精從後趕上, 而速龍甲骨文和暴龍秘書岩岩轉入printer間, 最尾就係四個人一條心的電腦部之花珍,琴, 怡,秀…..開始入直路啦, 電腦部之花真係勁喎, 開始追過暴龍秘書啦, 電腦部之花未開閘都落飛啦, 因為有消息佢地十年一度比仔約, 應該唔會慢得去邊, 不難想像會爆冷跑出, 當進入最後沖剌時, 因為過最難最難的老細房門道, 所以骨精, 雞精和味精顯得相繼無力, 嘩, 發生乜事, 嘩, 全世界撞埋一堆呀, 有人墮馬!有人墮馬! 發生乜事?原來有隻老細物體走出跑道, 令馬們雞飛骨走…"

“李!!!!!!!!!!小!!!!!強!!!!!!!!!!!!!!!!!!!!!!!!!!!!!!!!!入!!!!來!!!!我!!!!!!房!!!!!!!!!"
旺角家樂商場………

“白痴玲, 我諗我都要找定份工…."

“你又係既.."白痴玲把面貼上了一化裝店的玻璃廚窗.

“我都唔知會發生咁事嚮我身上, 我黑仔強呢個朵走唔甩嫁啦…."

“呀, 黑仔強, 你睇下呢隻色的粉底靚D丫,定係呢隻靚D呢? 用來襯我件白色外套會唔會影得塊面太黑呀? 如果同埋你一齊行, 會唔會顯得仲黑呢?"

“睇過….咩牌子呀?"

“SKII, 果D"真氣"呢…"

“哦!即係變隻呀?"

“都知你唔知嫁啦, 扮晒野, 你有幾時關心過你老婆用邊隻牌子粉底, 邊隻牌子唇膏丫, 你淨係對除左你拖住果個姐姐冇興趣之外, 所有其她姐姐你都有興趣啦. 更係啦, 都"桌"左咯, 仲駛乜咩野野丫, 你地D男人呀…….."

“話你老公就黎比人抄啦, 仲掛住化裝!"我老羞成怒.."我點知個仆街唔著褲擺左我張財政預算入去讀唧!!"

“算啦, 唔讀都讀左….."

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s